Tarixçəmiz

Memorial Hospital 2009-cu ildən etibarən mərkəzləşmiş laboratoriya şəklində fəaliyyətə başlamış, 2012-ci ildən isə poliklinika şöbəsi xidmətə verilmişdir.
Klinikanın Azərbaycan Respublikası Səhiyyə Nazirliyinin tövsiyyə və normativ sənədləri əldə rəhbər tutularaq yaradılmış laborator bazası Klinik, Hemotoloji, Biokimyəvi, İmmunoloji, PZR, Genetika, Histologiya və Metobolizm laboratoriyası şöbələrindən təşkil olunmuşdur. Klinika fəaliyyətə başladığı gündən ABŞ və Avropanın modern laboratoriyaların iş keyfiyyətini və standartlarını öz fəaliyyətində prioritet olaraq götürmüş, avadanlıq bazasını onlara uyğun təşkil edilmişdir. Yüksək ixtisaslı kadrların cəlb edilməsi, müasir texnologiyanın tətbiqi, reaktiv bazasının birbaşa istehsalçıdan təmin olunması, inteqrasiya sisteminin təşkili, xarici və daxili keyfiyyət nəzarətinin tətbiq olunması Keyfiyyət, Sürət və Qiymət prinsiplərini qorumağımıza imkan verir.
Geniş spektrli laboratoriya ilə yanaşı klinikada EKG, EXO kardioqramma, Ultrasəs müayinəsi, Qastroskopiya kimi funksional diaqnostik xidmətlər, terapevt, endokrinoloq, nevropotoloq, uroloq, kardioloq, qastroenteroloq, revmatoloq, dermatoloq, pediatr, oftalmoloq, otolarinqoloq və s. ixtisas həkim kabinetləri mövcuddur. Gəncə şəhərində yerləşən klinikamızda əlavə olaraq cərrahiyyə şöbəsi fəaliyyət göstərir.
Memorial Hospitalın Bakı şəhərində Nizami və Nərimanov rayonları ərazisində, eləcə də Gəncə şəhərində filialları xidmət göstərir. Filiallar haqqında ətraflı məlumat üçün saytın naviqasiyasından istifadə edərək tanış ola bilərsiniz.